اليوم هذا فرق عن كل الايام
اليوم عبر صاحبي عن شعوره
زال الغموض اللي تراكم من العام
وقطفت باقات الأمل في حضوره
يا مرحبا واهلين ياكل الاحلام
ياروعة لك في داخل الصدر صوره
وعزتك في داخل حشـــــــاي محفورة
أخطيت ماعندي دفا صادق البوح
كذاب قلبي وكذبته في لسانه
كلي على بعضي متاهات وجروح
الوقت عدى في دفاه وحنانه
كان الوفا في داخلك حلم وطموح
تموت ماتلقى مع الناس امانه
اقول ابهرب من جنونك واهون
اعرف هروبي من حياتك وفاتي
وان كان شفتك في ظمايه تفنن
ما عاد يجدي يا عشيري سكاتي
با اقولها في عالي الصوت واعلن
عطشانتك يا دجلتي ويا فراتي
آخذ مع التفكير يمك مشاوير
ومع زود مابي كن قلبي على نار
نسيت يوم انك رضيت المقادير
وتقول من شانك يهونن الاخطار؟
لو تجرحيني بالغلا ما تكلمت
بفقدك وببتسم لو تألمت
بعض الخطا فوق العذر والشفاعه
احساس ضيعني وبعلن ضياعه
لاخذلك الوقت ياقلبي ابتسم
الزمن طبعه كذا فرحه وهم
لملم جروحك وخل مافيك فيك
يوم لك ياقلبي وعشره عليك
احرجتني بسؤال
اصعب سؤال
بنلتقي ولا محال
ماعرفت ارد وفضلت السكوت
آه يا طول المسافه بين احساسي والظلام
كل المشاعر في جوفي تموت
امنياتي واحلامي صارت اوهام
آه لو عرفت رد السؤال
آه لو غيره تسألين
قبل ما ترحلين
يمكن ألقى جواب
بنلتقي او ما نلتقي
آشواقنا والآمال
هي الجواب
بيننا مسافة من بحر ورمال
ومركبي غريق
ومابه طريق غير اشواقنا والآمال