قصة حقيقية 100 %

قصة حقيقية حدثت اليوم.. طبعا ماكدرت انام كلت لازم انشرها بعدين انام.. اول شي مساء الورد الاحمر.. او بمعنى اصح صباح الورد الابيض.. مثل كل يوم كاعد العصر اتابع اخبار المنتدى اجاني تلفون من احمد عطية (جدو) اكيد الكل يعرفه.. (عثمان تعال هسة ضروري ننتظر بـToDay اني وعلي احمد..) (ماشي حبي هسة مسافة الطريق واجيكم..) وبلمح البصر لبست وطلعت اجرت اول تكسي شفته بالشارع ورحت.. وصلت هناك كعدنا وتسامرنا وسولفنا هواية وضحكنا وتعشينا وشربنا احلى نركيله... ومابقة واحد او وحدة بالقسم ماكصيناه.. المهم.. كلنة كافي انسطرنة من النركيلة خلي نطلع.. دفعنا الحساب والمفاجأة.. عبالي علي جاي بسيارته اثاري علي جاي بالماطور.. زين احنة 3 شلون نصعد؟؟ هو بس ابن عطية يحتاجله ستوته حتة تكفي.. علي يسوق واني وراه واحمد وراية بالكوة كعدنة مابقة واحد مايضحك علينة.. مشينة مسافة 100 متر وصار بنجر بالتاااااااااااااير... نزل احمد وجان مستعجل اخذ تكسي وتركنا بالشارع.. واني وعلي احمد ندفع بالماطور ونغني (جربتها مرة خانت روحي منها هواية عانت جربتها الف مرة ماوفت همين خانت وماوفت همين خانت...) خلصنة شارع المحافظة وصعدنا الجسر ونزلنا على كلية القانون وراها للحسابات ولحد بيت علي احمد بالقادسية لا اكولك ولا تكولي فتح عينك غمض صارت ساعة 11.. حسيت كلبي وكف والله.. دخلت للبيت الوالدة سألتني (ها يمه ليش تأخرت ظل بالي عليك.. شلون اجيت؟؟؟) (والله يا أمي اجيت بقوة الدفع) وهسة دا احجي وياكم وكاااااااااااااااااااااااااااااااافي تصبحون على خير كلبي ديوجعني حيل..... باااااااااااااااااااااااي

يسلموا
تعبناك